Ipinapakongkreto na po ang barangay road sa Tulay B(Bodega), may haba itong 203 metro at lapad na 5 metro. Napakalaking tulong ang proyektong ito para sa ating mga kasamahan sa Tulay B dahil sa napakatagal na panahon ay nagtiyaga sila sa mahirap na daan lalo na kapag panahon ng tag-ulan. Makikinabang din ang mga kababayan natin sa Pantihan na dumadaan sa lugar na ito.
Naglaan ng halagang Isang Milyong Piso ang ating Pamahalaang Bayan para sa katuparan ng proyektong pambarangay na ito sa Tulay B. Ito ay kinuha mula sa 20% Development Fund ng ating munisipyo.
Personal na tinutukan ni Mayor Rey A. Rillo ang nasabing proyekto dahil batid niya ang kahalagahan nito sa ating taumbayan.